HEGAS hefur tekið í notkun endurbættan sýningarsal í verslun sinni að Smiðjuvegi 1. Eftir mánuði í stórræðum, þá hefur öllu verið skipt út í sýningarrými HEGAS og aðstaða fyrir viðskiptavini og starfsmenn mun betri en áður.

HEGAS þakkar þeim viðskiptavinum sem kíktu við á frumsýninguna dagana 13. og 14. júní sl. fyrir innlitið. Af því tilefni voru á landinu þeir Rolf Verch frá Hettic, Philip Engel frá Halemeier og Jonatan Elnegaard frá Rehau til að kynna ýmsar nýjungar í vörum frá birgjum HEGAS sem nú þegar er komið í sölu og meira á leiðinni.

Ný yfirborðsefni  t.d. í forstykki á innréttingar og nýtt HPL yfirborðsefni frá Arpa auk nýrrar línu af LED ljósum frá Halemeier voru kynnt ásamt öllu því nýjasta í húsgagnafittings og íhlutum. Þá er komið nýtt yfirborðsefni frá Rehau úr akrýlsteini og ýmislegt annað.

Hér fyrir neðan má sjá myndir af endurbættum sýningarsal HEGAS auk mynda af nokkrum gestum sem kíktu við á frumsýninguna.