Sagan

Fyrirtækið Hegas ehf. var stofnað í ársbyrjun 1988. Það sérhæfði sig í innflutningi á hráefnisvörum og harðmálmsverkfærum fyrir tréiðnaðinn. Reksturinn gekk vel og fjórum árum seinna hófst innflutningur á trésmíðvélum og tengdum vörum.

Þegar fyrirtækið var stofnað var það til húsa í 180 fm húsnæði að Smiðjuvegi 16d, en vegna aukinna umsvifa varð húsnæðið fljótlega of lítið og því var ráðist í að kaupa 425 fm húsnæði að Smiðjuvegi 8. síðla árs 1993. Fyrirtækið dafnaði vel og enn var húsnæðið orðið of lítið. Þann 1. maí 2000 flutti því starfsemin í núverandi húsnæði að Smiðjuvegi 1. sem er u.þ.b. 1700 fm.

Fyrirtækið starfar enn í dag á sínu upphaflega sérsviði þ.e. að þjónusta tréiðnaðinn með hráefni, tæki og tól, og leitast við að veita góða þjónustu.